Јувентус испрати уште двајца фудбалери на заем во Серија А

Во периодот кога Јувентус конечно го договори трансферот на Леандро Паредес, мора и да го намали ростерот пред крајот на преодниот рок.

Макс Алегри има поголем број фудбалери од тие на кои може да им обезбеди солидна минутажа, па затоа денеска се официјализирани две заминувања на заем во ривалски клубови.

Талентираниот Николо Ровела веќе ги одработува лекарските прегледи во Монца и ќе му се приклучи на новиот член на Серија А, а „бјанконерите“ најдоа ново привремено решение и за Марко Пјаца.

Хрватот беше поврзуван со враќање во Динамо, но очигледно не сака да ја напушти Италија и оваа сезона ќе настапува за Емполи.

Ровела минатата сезона настапуваше за Џенова, додека Пјаца наназад беше позајмуван во Торино, Џенова, Андерлехт и Фиорентина.

#Rovella: visite mediche con il #Monza // Rovella has arrived in Milan to undergo his medical tests ahead of his move to Monza ✅⚪️🔴@GoalItalia @goal pic.twitter.com/md6btttoMu

— Romeo Agresti (@romeoagresti) August 31, 2022