Јувентус донел конечна одлука за заемот на Милик

Неубедливата сезона на Јувентус влијаеше и на формата на одредени фудбалери, кои не успеаја да го импресионираат тренерот Макс Алегри и раководството.

Најавено е заминување на неколку играчи, а очигледно во Торино нема да остане ниту Аркадиуш Милик.

Полскиот напаѓач дојде на заем од Олимпик Марсеј со опција неговиот договор да биде откупен летово, но Јувентус одлучил дека не сака да плати трансфер сума за напаѓачот.

Италијанскиот клуб побарал заемот да биде продолжен на уште една сезона, но Французите не сакале ни да слушнат за таква комбинација, па Милик ќе се врати во Марсеј.

Медиумите на „чизмата“ подолг период споменуваат дека Лацио и Маурицио Сари чекаат шанса да го ангажираат Милик, па ова може да биде шанса за римскиот клуб да стигне до потписот на полскиот репрезентативец.