Јуниорите загубија од Велика Британија на стартот на ЕП

Македонската кошаркарска репрезентација до 18 години загуби од Велика Британија со 84:68 на првата средба на Европското првенство-Дивизијата „Б“ што се игра во Португалија.

Нашите јуниори имаа осцилации во играта, а далеку најслаба им беше првата четвртина во која уфрлија само 9 поени (17-9), односно му овозможија на противникот да се стекне со предност и потоа да го контролира како резултатот така и играта.

Британците имаа 34:27 на паузата, по одморот исто беа подобри од избраниците на селекторот Андреј Апостолски Лечиќ и заслужено дојдоа до победата.

Луканоски со 22.поени и 9 скока беше нашиот најистакнат играч. Дејвис пак со 19 ги предводеше Британците.

Утре имаме соочување со Австрија која има два од два на досегашниот дел од турнирот.