Поврзете се со нас

Зимски спортови

Јана Атанасовска оствари историски резултат за македонското скијање во Словенија

Објавено

на

Младата македонска скијачка Јана Атанасовска оствари најдобар резултат во историјата на македонското женско скијање и тоа во својата деби сезона во сениорска конкуренција.

16-годишната Атанасовска која е членка на АСК Скади од Скопје на денешната ФИС трка во слалом на патеката Рогла во Словенија оствари одличен резултат од 75,95 точки.

Таа го освои 17-тото место, иако настапи со стартен број 48 во конкуренција на 70 скијачки. Со тоа го подобри најдоброто досегашно постигнување во алпско скијање на двојната олимписка учесничка Јана Николовска.

Николовска во 2001 година на велеслалом во Франција оствари 79,36 точки (во скијањето помал број на освоени точки носат подобар ФИС пласман).

Атанасовска која долги години беше најдобра македонска пионерка и јуниорка, првата трка ја имаше во 2012 година на Меморијалот Стеве Илиески-Караѓуле на Попова Шапка и од тогаш има многу победи на меѓународно и национално ниво.

Со оглед на одличните настапи во изминатите 2 месеци, очекувано е во иднина уште повеќе да напредува на ФИС листите во сениорска конкуренција.

Реклама
Реклама
Реклама

Популарни