Гвардиола направи невообичаена замена, фановите на Сити воодушевени од епилогот

Манчестер Сити си ја заврши работата уште на првиот дуел со Спортинг кој го доби со 5:0, па вчерашниот реванш беше само рутинска пресметка во која и двете екипи влегоа без голема тензија.

Пеп Гвардиола очекувано можеше да експериментира во однос на составот и формацијата, а беше толку опуштен што реши да го замени голманот на дваесетина минути до крајот.

Едерсон му го отстапи местото на 36-годишниот ветеран Скот Карсон, кој е трет голман на Сити и за кого ова е прв настап сезонава.

Но, Карсон уште еднаш покажа дека ги задржал своите квалитети и покрај возраста, па по една феноменална одбрана, успеал да изнуди овации домашните фанови.

– Англиски број еден, – скандирале фановите на Сити, алудирајќи на тоа дека Карсон е најдобар голман во својата земја, што секако му годело на ветеранот.