Големото дерби донесе и лоши сцени: Дисциплинците во Франција отворија истрага против четири ѕвезди на ПСЖ (Видео)

ПСЖ изминатиот викенд покажа дека знае да победува и без својата најголема ѕвезда Килијан Мбапе, но во ситуација кога големата победа над Марсеј се славеше со многу емоции на „Паркот на принцовите“, по последниот судиски свиреж пристигнаа и сцени кои носат разочарување поради инволвираноста на четири првотимци.

Омразата и ривалството меѓу ПСЖ и Марсеј е надалеку прочуена и токму поради тоа Луис Енрике посебно се израдува на триумфот на „Класико“, но сепак дел од фудбалерите претераа во завршното славје со навивачите.

Најрадикалните навивачи на ПСЖ традиционално се сладат на големите успеси над Марсеј со навредливи и вулгарни песни кон лутиот ривал, меѓутоа во песните овојпат се вклучија и четворица фудбалери.

Тоа се Ашраф Хакими, Коло Муани, Лајвин Курзава и Усман Дембеле, па сега дисциплинците од Лига 1 соопштија дека е покрената истрага против четворицата и ќе треба да дадат свои искази на 5-ти октомври.

Ова значи дека четирите ѕвезди се во опасност да заработат сериозни казни од Лига 1, особено ако се знае дека овој инцидент го осуди и министерката за спорт на Франција.

Hakimi, kurzawa, dembele, kolo muani @LFPfr pic.twitter.com/eMrJygycWv

— Kondogbiste (@BastienOlympien) September 26, 2023