Ферстапен недостижен и на спринт трката во САД

Макс Ферстапен мораше да биде максимално концентриран и да ги одбие нападите од најголемите ривали на почетокот на спринт трката во Остин, но подоцна рутински го освои првото место и на овој натпревар од Формула 1 шампионатот.

Возачот на Ред Бул кој веќе ја освои титулата доби закана Шарл Леклер и Луис Хамилтон, седумкратниот шампион се обиде да му парира подолго, но на крајот мораше да се соочи со големата предност која ја обезбеди ривалот.

Ферстапен победи со предност од повеќе од девет секунди, додека во најдобрата спринт тројка се најде и Леклер од Ферари, кој го доби дуелот со Ландо Норис од Мекларен.

Шампионот стана прв Ф1 возач кој победил на три спринт трки во една сезона, а на главната трка ќе стартува од шестата позиција.

До осмото место кое е последно што носи поени се пласираа Перез, Саинц, Гасли и Расел, а возачот на Мерцедес има за една позиција послаб пласман бидејќи заработи казна од пет секунди и не му вредеше фактот што стигна пред Гасли на целта.