Евертон доби нов газда, половина премиерлигаши имаат американски сопственици

Евертон денеска потврди дека добива нов сопственик и во иднина ќе биде под контрола на американскиот инвестициски фонд „777“.

Досегашниот сопственик Фарад Мошири продал 94 проценти од акциите на премиерлигашот, со што е ставен крај на неговото влијание во клубот, во кој започна да инвестира во 2016 година.

Инвестицискиот фонд „777“ веќе има мнозинство акции и управува со Џенова, Васко де Гама, Херта, Стандард Лиеж, француски Ред Стар, Севилја и Мелбурн Виктори.

Под водство на Мошири, Евертон беше далеку од амбициите на клубот и навивачите, а минатата сезона едвај обезбеди опстанок во Премиер лигата.

Со ова преземање на клубот од Ливерпул, точно половина премиерлигаши имаат американски сопственици.

777 Partners has signed an agreement with Farhad Moshiri to acquire his full stake in Everton Football Club, which accounts for 94.1 per cent of the Club’s shares.

— Everton (@Everton) September 15, 2023