Елитни агенти го избрале најлошиот и најдобриот трансфер во летниот преоден рок

Европските клубови и летово потрошија сериозна сума на засилувања, а тоа најмногу важи за екипите кои се борат за највисок пласман.

Сепак, очекувано е дека некој од трансферите и нема да ги оправда очекувањата на менаџерите, а порталот „Атлетик“ направил анкета меѓу 20 елитни фудбалски агенти, кои гласале за најлошите и најдобрите трансфери на клубовите.

Убедливо најлош трансфер е тој на Каи Хаверц од Челси во Арсенал, инвестиција од 65 милиони фунти за Микел Артета, која според агентите дефинитивно е најлошиот потег во преодниот рок.

Хаверц добил шест гласа, а го победил Моисес Каиседо, за кого Челси плати 115 милиони фунти и кој собрал пет гласа од агентите. Првата тројка ја заокружува Мејсон Маунт кој пак од Челси се пресели во Манчестер Јунајтед.

За убедливо најдобар трансфер е прогласен тој на Џејмс Медисон од Лестер во Тотенхем, а по него следуваат тие на Деклан Рајс и Џуд Белингам.

За најизненадувачки трансфер е прогласен тој на Кол Палмер од Манчестер Сити во редовите на Челси.