Дончиќ испорача нов трипл-дабл, Бостон го прегази Далас за десетта победа по ред

Новиот одличен настап на Лука Дончиќ во дресот на Далас не беше доволен неговиот тим да избегне убедлив пораз на гостувањето кај Бостон, екипата која само го подобри најдобриот скор во лигата оваа сезона.

Селтикс славеа со 138:110 и стигнаа до десетта победа по ред во првенството, неутрализирајќи го дванаесеттиот трипл-дабл учинок на Словенецот.

Дончиќ го заврши дуелот со 37 поени, 12 скокови и 11 асистенции, додека на спротивната страна најефикасен бил Тејтум со 32 поени.

Тимот на Л.А Клиперс беше убедлив против Вашингтон, но го загуби Расел Вестбрук на одреден период поради фрактурата на раката која овој кошаркар ја заработи уште во вториот период од мечот.

Харден и Ленард со 28, односно 27 поени биле најдобри поединци во победничката екипа.

Детроит – Кливленд 100:110
Филаделфија – Шарлот 121:114
Бостон – Далас 138:110
Торонто – Голден Стејт 105:120
Мемфис – Портланд 92:122
Минесота – Сакраменто 120:124
Њу Орлеанс – Индијана 129:102
Чикаго – Милвоки 97:113
Л.А Клиперс-Вашингтон 140:115