Димитриевски меѓу најдобрите во победата над Бенидорм

Македонскиот интернационалец, Дарко Димитриевски беше меѓу најдобрите ракометари на Валјадолид во победата над Бенидорм од 31:30 во АСОБАЛ лигата.

Избраниците на Писонеро го одбранија домашниот терен и по еден возбудлив меч се изборија за шестиот триумф во шампионатот во деветтиот натпревар. Димитриевски одигра на високо ниво, има одлична реализација и постигна четири гола од пет обиди.

Д’Антино и Фреитас со по пет погодоци беа најефикасни на овој натпревар на кого не настапи вториот Македонец во Валјадолид, крилото, Димитар Димитриоски.

Нареден ривал на македонските играчи и колегите им е составот на Нава.