Олимписки игри
Баба на три внучиња највозрасна натпреварувачка на ЛОИ, најмладите учесници имаат по 12 години (Фото)
Светот е на прагот на почетокот на едно ново, поинакво издание на Летните Олимписки игри, спортско издание кое е најпрепознатливо во светски рамки.
Поради ковид-пандемијата, игрите кои беа планирани за минатата година ќе се одржат оваа година без присуство на гледачи, а градот домаќин останува ист, јапонски Токио.
Пред самиот старт на највозбудливите спортски смотри, ви ги претставуваме најстарите и најмладите учесници на истите.
Со 66 години и три внучиња зад себе, најстара натпреварувачка е Мери Хана од Австралија. Хана ќе се натпреварува во коњичките спортови, а ова за неа ќе бидат седми Олимписки игри на кои учествува.
На игрите во Токио таа ќе стане втората највозрасна личност која се појавила на Олимписките игри по Лорна Џонстоун од Велика Британија која со 70 години настапи на игрите во 1972 година, исто така во коњичките спортови.
И во машка конкуренција, Австралија ќе го даде највозрасниот учесник на овие смотри. Ендрју Хој, кој исто како и Хана ќе настапува во коњичките спортови има 62 години, а ова за него ќе бидат осми Олимписки игри.
Игрите во Токио засекогаш ќе ги паметат и најмладите учеснички на истите, 12 годишните Хенд Заза од Сирија и Кокона Хираки од Јапонија.
Заза ќе се натпреварува во пинг- понг, а на игрите ќе учествува откако победи во клучниот натпревар за пласман на ЛОИ против 42 годишната Либанка, Мариана Шакиан. Малата Заза со пинг-понг се занимавала од пет години, а само една година подоцна ги импресионирала сите на првенството за млади таленти во Доха.
За разлика од неа, Хираки ќе се натпреварува со својот скејтборд, а ќе ја претставува домашната Јапонија откако заврши на петтото место на турнирот „Dew Tour“ кој претставуваше своевиден квалификациски циклус за игрите.
И Македонија може да се пофали со млад учесник на овие Олимписки игри затоа што во експедицијата која отпатува во Токио се најде перспективната пливачка, Миа Блажевска Еминова која има само 15 години.
-
Лига на шампионипред 21 час
Признание за најдобрата македонска судијка: Пројковска ќе суди полуфинале во ЛШ
-
НБАпред 21 час
Перкинс: Леброн никогаш повеќе нема да освои титула…
-
Шпанијапред 9 часа
Арда со „Бергкамп“ потег го излуде противникот и стана топ тема во Шпанија (Видео)
-
Балканпред 19 часа
Барди: Во еден период бев подобар од Меси…
-
Шпанијапред 18 часа
Ѓулер стрелаше, Реал го освои Сан Себастијан (ВИДЕО)
-
Германијапред 20 часа
Баерн подготвува терен за новиот тренер: Ќе имаме одлука за една недела
-
Боречки спортовипред 18 часа
Илиоски го реши Дузенли и стана светски кикбокс шампион во ВАКО ПРО
-
Шпанијапред 7 часа
Анчелоти ги расчистил дилемите за плановите на Реал со Арда Ѓулер