Атанасов: Го сочувавме најдоброто за крај

Македонскиот шампион, МЗТ Скопје со победа над домаќинот Војводина од 89:84 го заокружи настапот на „балонот“ во АБА2 лигата кој во изминатиов период се играше во Нови Сад.

МЗТ одигра квалитетен натпревар против тим кој сезонава не губи на домашен терен, но македонскиот претставник најде начин и дојде до значајно славје со кое сега има 7-3 во ова регионално натпреварување.

-Благодарност до публиката во Нови Сад за аплаузот на крајот. И посакувам среќа на екипата на Војводина. Денеска го одигравме најдобриот натпревар на турнирот, го сочувавме најдоброто за крај. Војводина е многу добар тим, водена од квалитетен стратег и се надевам ќе имаат добри резултати и во иднина, -истакна тренерот Васко Атанасов.

Наредниот турнир во АБА2 лигата се игра во март, а прв ривал на МЗТ ќе му биде ТФТ.