Арсенал тргна со победа во новата сезона во Премиер лигата (Видео)

Новата сезона на Премиер лигата беше отворена со лондонското дерби меѓу Кристал Палас и Арсенал, а „топчиите“ стигнаа до заслужена победа (0:2) и први важни бодови на табелата.

Микел Артета сметаше на засилувањата од типот на Зинченко и Жезус, а токму Украинецот беше асистент за голот на Мартинели.

Младиот фудбалер на Арсенал го отвори резултатот во 20. минута со удар со глава, а Палас во продолжение не успеа да стигне до посакуваното израмнување.

Точка на неизвесноста стави Геи со автоголот во 85. минута, поставувајќи ги конечните 0:2 во корист на Арсенал.