Ждрепката ги измеша картите: Суперкомпјутерот на „ОПТА“ ги промени шансите за освојување на ЛШ

Манчестер Сити останува прв фаворит за трофејот во Лигата на шампионите, но вчерашната ждрепка направи одредени промени во прогнозите на суперкомпјутерот на „ОПТА“.

Експертизата на суперкомпјутерот е ажурирана со четвртфиналните парови, но и со одредувањето на патот кон финалето на сите четвртфиналисти, при што е јасно кои противници можат да се избегнат до големото финале.

Арсенал, Баерн Минхен, Манчестер Сити и Реал Мадрид се најдоа во ист дел на ждребот и тука конкуренцијата е многу пожестока, додека истовремено еден финалист ќе биде одреден меѓу Атлетико Мадрид, Борусија Дортмунд, Барселона и ПСЖ.

Токму овој елемент го исфрли ПСЖ на второто место меѓу фаворитите за трофејот, при што францускиот тим го потисна Реал на третото место. И другите три екипи од истиот дел на жребот си ги зголемија шансите, додека дел од процентите загубија претставниците на другата четворка.