Србиновски и во наредната сезона ќе го води Гостивар

Поранешниот македонски селектор, Марјан Србиновски и во наредната сезона ќе го води тимот на Гостивар.

Оваа информација ја објавија од таборот на гостиварци што значи популарниот Марче останува во добра позната средина во која е главен од 2017 година.

Гостивар во последниве сезони е една од нашите најдобри екипи, екипа која знае да им го земе скалпот на најголемите, па останува да видиме каков тим ќе склопи за кампатата 2020/2021 во која постои можност дури и да игра во АБА2 лигата, ама ако се поклопат одредени работи.

Србиновски во досегашната кариера уште ги водеше Торус, Работнички, Кожув и Куманово.