Саутгејт нема да смета на Кејн и против Белгија, голгетерот се враќа во Минхен

Англискиот селектор Герет Саутгејт се надеваше дека ќе може да смета на Хари Кејн барем на пријателскиот дуел со Белгија, но самиот тој потврдил дека напаѓачот уште денеска ќе се врати во Минхен.

Англија вчера загуби на првиот пријателски дуел со Бразил, а Кејн кој има повреда на зглобот не можеше да им помогне на своите колеги од националниот тим, додека најновата информација само потврдува дека ќе му треба повеќе време за рехабилитација.

Баерн Минхен официјално потврди дека Кејн се враќа во Германија за да продолжи со третманите за санирање на проблемот и ќе биде следен од лекарскиот тим на бундеслигашот.

Кејн ја заработи повредата на дуелот со Дармштад во германското првенство, а Баерн нема да брза со неговото враќање на терените, посебно што напаѓачот ќе биде посебно важен за настапите во Лигата на шампионите.

Abreise von Nationalmannschaft: Harry Kane kehrt vorzeitig zum FC Bayern zurück.

🔗https://t.co/WchjLLoLqx

— FC Bayern München (@FCBayern) March 23, 2024