Преписка или навреди: Даниел Димевски контра ИО за негова промена

Сагата за свикување Вонрeдно собрание на МОК на иницијатива на повеќе спортски федерации денес донесе нова епизода и преписка меѓу завојуваните страни.

Актуелниот претседател на МОК, Даниел Димевски, во приватна порака до оние кои му се обратиле, „распали“ по спортистите и нивните челници, при што не ја пропушти можноста да подели и неколку титули, како „неписмен“ и „силување“.

Обраќајќи му се на Иницијативниот одбор, Димевски ги нападна спортистите дека „се кријат зад ад хок емаил адреси без име на сопственик“, што според него е „силување на членовите и системот, а некој ќе одговара на крајот“.

Дополнително, наместо да одговори на критиките за неговото работење, тој им порача на спортистите дека „е корисно да се описмените“, а потоа продолжи со делење лекции од областа на правописот.

Разрешувањето на Димевски ќе се разгледува на седницата на ИО закажана за 6 февруари, додека МОК свика седница на своето собрание за 8 февруари.