Најавени состави за ЛШ: Челси и Дортмунд без неколку играчи ќе бркаат пласман во четвртфинале

Вечерва ќе ги добиеме првите патници во четвртфиналето во Лигата на шампионите и тоа по дуелите кои се играат во Лондон и Лисабон.

Далеку поголемо внимание предизвикува мечот на „Стемфорд Бриџ“ каде Челси ќе го пречека составот на Борусија Дортмунд. Премиерлигашот ќе брка негатива од 1-0, а тренерот Потер за денешното соочување нема да може да смета на Броја, Менди, Маунт, Канте и Силва, додека неизвесни се Рис Џејмс и Азпиликуета.

На спротивната страна пак ќе недостасуваат Адејеми, Мукоко, Камара, Морej и Риерсон, незивесни со голманот Кобел и офанзивецот Мален.

ЧЕЛСИ: Кепа, Чалоба, Фофана, Кулибали, Чилвел, Џејмс, Фернандез, Ковачиќ, Стерлинг, Феликс, Хаверц.

БОРУСИЈА: Кобел, Волф, Зила, Шлотербек, Гереиро, Џан, Озџан, Брант, Белингем, Ројс, Але.

Кога е во прашање пак соочувањето во Лисабон меѓу Бенфика и Бриж може да се очекуваат овие состави:

БЕНФИКА: Влаходимос, Бах, Антонио Силва, Грималдо, Отаменди, Флорентино, Аурснес, Жоао Марио, Нерес, Рафа Силва, Рамос.

БРИЖ: Мињоле, Мата, Мехеле, Сила, Мејер, Сова, Нилсен,Ванакен, Буханан, Хутгла, Ланг.