Македонија доби група по мерка во квалификациите за ЕП

Македонската ракометна репрезентација е дел од секој голем настан со години наназад, а избраниците на Кирил Лазаров ќе се обидат да продолжат со убавата традиција и на Европското првенство во 2026-та година.

Данска, Шведска и Норвешка се скандинавски земји кои ќе бидат домаќини на споменатиот шампионат, па денеска во Копенхаген се извлече ждрепката за изгледот на групите во квалификацискиот циклус.

Македонија доби група по мерка и ждребот после долго време ни беше наклонет, бидејќи освен Словенија, во нашата група се најдоа и Литванија и Естонија.

Литванија и Естонија се репрезентации кои се аутсајдери на хартија, па тоа прави Македонија да има огромни шанси за уште еден пласман на континентален собир.

Словенците се главни фаворити за првото место во нашата група, но Македонија во минатото има покажано дека може да се носи со оваа селекција, па тоа сигурно ќе биде најголемиот предизвик за избраниците на Лазаров.

Директен пласман на Европското првенство ќе обезбедет најдобрите две селекции од секоја група, како и четирите најдобро третопласирани.

Група 1: Словенија , МАКЕДОНИЈА , Литванија , Естонија

Група 2: Црна Гора, Словачка , Финска

Група 3: Унгарија, Исланд, Грција, БиХ , Грузија

Група 4: Шпанија, Србија , Италија , Летонија

Група 5: Хрватска, Чешка, Белгија , Луксембург

Група 6: Холандија , Фарски Острови, Украина, Косово

Група 7: Германија, Австрија, Швајцарија, Турција

Група 8: Португалија, Полска, Романија, Израел