Мајсторијата на Витиња ја најави победата на ПСЖ (Видео)

Луис Енрике се најде под сериозен притисок уште на стартот на месец октомври и денеска го играше своето прво „финале“ како тренер на ПСЖ, а истото го положи успешно со победа над Рен.

„Светците“ добија многу критики за ужасната претстава на гостувањето кај Њукасл, па поради тоа, притисокот беше уште поголем за освојување на три бода на жешкото гостување.

Резултатот беше отворен по 32 минути игра, а акцијата започна со пета на Маркињос, а заврши со перфектен удар од Витиња кој заврши во аголот од голот на домаќините.

Овој гол беше големо олеснување за гостите од престолнината, кои набрзо постигнаа и втор гол преку Ашраф Хакими за 0:2.

Рен реагираше на стартот на вториот дел и се врати во игра преку Гири, но радоста и надежта кратко траеја, бидејќи Коло Муани со гол повторно донесе два гола предност и тоа беше дефинитивен удар за обезбедување победа.