Леклер најбрз во квалификациите за трката во Остин

Шарл Леклер извозе најбрз круг во квалификациите за ГН на САД во Формула 1 шампионатот и ќе стартува од најдобрата позиција на неделната трка.

Членот на Ферари направи мало изненадување со своите перформанси во Остин, оставајќи ги ривалите зад себе, а најблиску беа Ландо Норис од Мекларен и Луис Хамилтон од Мерцедес, кои ја формираат првата тројка во квалификациите.

Макс Ферстапен беше најбрз со резултатот од последниот круг, но подоцна времето му беше избришано поради напуштање на патеката, поради што светскиот шампион мора да се задоволи со шеста стартна позиција.

За Леклер ова е втора пол позиција сезонава, а вкупно трета за Ферари, додека за тимот добра вест е што Карлос Саинц ќе стартува од четвртата позиција.

До десеттото место се пласираа Расел, Ферстапен, Гасли, Окон, Перез и Пјастри.