Игра во одлична форма: Уште еден ефикасен меч на Поповски за Цирих

Македонскиот интернационалец, Мартин Поповски има навистина одлична кампања во Швајцарија носејќи го дресот на Амичитија Цирих, тим за кој постојано е меѓу најефикасни играчи во секоја рунда.

Така беше и во соочувањето со Сухр Арау како Поповски беше на висина на задачата и со шест голови беше втор стрелец кај Цирих, поточно подобар во таа категорија беше само Хајер со осум погодоци.

Лошата вест за Мартин и компанија е тоа што го загубија овој натпревар со 35:30 и тоа поради лошото издание во вториот дел на двете страни на теренот (18:12).

Со вкупно освоени 13 бода Цирих е на третата позиција на табелата зад Кадетен Шафхаузен и Криенс.