Иџе го заврши маратонот со огромна победа во Чешка: Се врати кралот! (Фото)

Игор Стефановски Иџе стигна до втората победа во овогодинешниот шампионат на ФИА на ридско брзински трки, откако уверливото возење од Португалија го потврди и денеска во Чешка.

Популарниот Иџе беше недопирлив и имаше убедливо најдобро време по двете мерења на патеката Штернберк во Чешка, со што на најдобар можен начин го заокружи маратонот кој го имаше во изминатите неколку дена.

Стефановски имаше проблеми со искршениот автомобил и цел негов тим имаше тешка задача да го подготви за трка по силниот судар во Шпанија, но и самиот Иџе откри дека имал маратон со поминати 2,5 илјади километри во ден и половина, односно пат од Македонија до Италија и од Италија до Чешка.

Сето тоа се исплатеше поради денешното возење и фантастична победа, која е втора за него оваа сезона по онаа во Брага пред неколку седмици.

Иџе денеска зад себе ги остави Диетхард Штернад и Рене Вамрут, па големата победа ја прослави во препознатлив стил:

– Кралот се врати, 1-во место во Чешка.