Бејзбол сензацијата Охтани го потпиша најтешкиот договор во историјата на американските спортови

Бејзбол сензацијата Шохеи Охтани официјално потпиша за Лос Анџелес Доџерс и стана најплатен спортист во историјата на американските професионални лиги.

Јапонецот потпишал 10-годишен договор со МЛС клубот и тој е тежок 700 милиони долари, со што испиша историја во американската бејзбол лига и стана еден од најплатените спортисти во светот.

Неколку недели наназад се шпекулираше за иднината на еден од најголемите во историјата на овој спорт, а за да биде поинтересно тој во редовите на Доџерс доаѓа од градскиот ривал Лос Анџелес Ејнџелс, каде настапуваше последните шест сезони.

29-годишнат бејзбол ѕвезда веќе се смета за еден од најдобрите бејзбол играчи на сите времиња, а она по што е препознатлив се неговите универзални квалитети, што е реткост во спортот во кој играчите обично имаат специјалност.

Охтани првпат беше МВП во 2021 година, а истото признание го доби и минатиот месец, иако имаше проблеми со повреди во текот на сезоната.