Ал Наср ќе му врачи отказ на Руди Гарсија

Кристијано Роналдо наскоро ќе добие нов тренер во Ал Наср, бидејќи раководството на клубот решило да му врачи отказ на Руди Гарсија.

Резултатите на екипата не се најубедливи, а последното реми со тимот на нашиот Трајковски дополнително го зголемил незадоволството кај раководството.

„Марка“ пренесува дека сепак главен проблем на Гарсија е односот со фудбалерите, а Французинот одамна ја „загубил“ соблекувалната и бил во лоши односи со голем број фудбалери на Ал Наср.

Ал Наср е на второто место во домашното првенство со три бода помалку од Ал Итихад на седум кола до крајот, а неочекувано беше елиминиран во полуфиналето на Арапскиот Супер куп.

Гарсија е на позицијата од јуни минатата година, а засега не е познато кој е фаворит за негов наследник кај раководството на клубот од Саудиска Арабија.