Адеми со два гола го однесе Динамо Загреб во групната фаза на ЛЕ (ВИДЕО)

Тимот на Динамо Загреб ќе игра во груната фаза на Лигата на Европа, а за тоа голема заслуга има нашиот репрезентативец Аријан Адеми.

Во клучниот меч за место во главниот дел на ЛЕ, најдобриот хрватски тим ја победи естонска Флора со 3-1 со тоа што автор на два гола беше капитенот Адеми. Аријан на асистенција на Гаврановиќ во 26 минута зголеми на 2-0, додека во 87 пак го постави конечниот резултат, поточно ја потврди победата на домаќините.

Ова е уште еден успех за хрватскиот клуб кој одново ќе игра во групна фаза на европските натпреварувања што секако значи нова заработка и полнење на клупската каса.