Саинц го предводеше Ферари до еден-два победа, последните два шампиони не ја завршија трката

Карлос Саинц победи на Формула 1 трката за ГН на Австралија, предводејќи го Ферари до еден-два победа и прекинувајќи ја доминацијата на Макс Ферстапен, кој пак мораше рано да ја заврши трката поради проблеми со сопирачките на болидот на Ред Бул.

Актуелниот шампион стартуваше од пол-позицијата, но неговите проблеми беа искористени од Саинц кој го презема водството, за неколку круга подоцна Ферстапен да мора да ја заврши трката и да остане без можност да се бори за трета победа во третата трка во новата сезона.

Саинц до крајот без проблеми го задржа водството, додека неговиот тимски колега Шарл Леклер успеа да обезбеди подобар пласман од Ландо Норис и на тој начин Ферари дојде до максимален ефект на оваа трка. Норис и Оскар Пјастри ги израдуваа фановите на Мекларен со солидните трето и четврто место на денешниот натпревар.

Проблеми со болидот имаше и Луис Хамилтон чиј мотор откажа и го остави без пласман, додека катастрофалниот викенд за Мерцедес го надополни Џорџ Расел кој излета од патеката и исто така не ја заврши трката.

Возачи кои освоија поени од петтото до десеттото место се Перез, Алонсо, Строл, Цунода, Хулкенберг и Магнусен.