Гвардиола „пресече“ за Халанд, Нуњез на клупата на Ливерпул

Манчестер Сити го пречекува Ливерпул во ситуација кога мора да оди на победа, а против себе има голем ривал и секогаш незгоден противник.

Пеп Гвардиола има уште потешка работа денес бидејќи Ерлинг Халанд сепак нема да настапи поради повреда, па во нападот тој ќе биде заменет од Хулијан Алварез.

Не само што Халанд не е стартер, туку воопшто не е во комбинација на „Итихад“, а во напаѓачкото трио ќе стартуваат и Грилиш и Марез.

Кај Ливерпул го нема Дарвин Нуњез меѓу стартерите, но ќе чека евентуална шанса од клупата, а во нападот ќе бидат Гакпо, Жота и Салах.

Сити: Едерсон, Стоунс, Диас, Аканџи, Аке, Гундоган, Родри, Де Брујне, Марез, Алварез, Грилиш

Ливерпул: Алисон, Робертсон, Ван Дајк, Конате, Александер-Арнолд, Елиот, Хендерсон, Фабињо, Гакпо, Жота, Салах.