Гатузо се враќа на тренерската сцена, утре на промоција во француски клуб

Џенаро Гатузо прифатил нов предизвик и наредниот период ќе работи во француското првенство.

Поранешниот европски првак Олимпик Марсеј постигнал договор со Италијанецот за преземање на тренерската функција, со што Гатузо ќе биде наследник на Марселино кој не издржа долго на „Велодром“.

Гатузо денеска веќе пристигнал во Марсеј и утре ќе биде промовиран во новиот клуб, кој ќе му даде шанса да ги покаже своите тренерски квалитети во француското првенство и Лига Европа.

Марсеј викендов загуби со убедливи 4:0 од ПСЖ во француското дерби, додека претходно одигра 3:3 на гостувањето кај Ајакс во групната фаза на Лига Европа.

Гатузо претходно ги водеше Милан, Наполи и Фиорентина, а минатата сезона ја започна, но и не ја заврши на клупата на Валенсија.