Французите издоминираа против Исланд и се приближија до полуфиналето на ЕП

Француската ракометна репрезентација победи со убедливи 39:32 во дуелот со Исланд во главната фаза на Европското првенство, со тоа приближувајќи се до очекуваниот пласман во полуфиналето.

Избраниците на селекторот Жил не дозволија драма на теренот, постојано диктираа темпо и имаа предност на средбата со Исланѓаните, па на крајот стигнаа и до највисоки плус седум за нова победа на шампионатот.

Фабрегас и Ричардсон постигнаа по 6, Ремили 5 гола на оваа средба, додека во исландскиот состав најефикасен беа Рикардсон, Кристјансон и Видарсон со по 6 погодоци.

Исланд со овој пораз остануваат само со теоретски шанси за место во полуфиналето, додека Французите со 6 бода остануваат на врвот во својата група и се чекор поблиску до следната фаза.

France 🇫🇷 move one step closer to the final weekend! 👏

🌟 𝐆𝐫𝐮𝐧𝐝𝐟𝐨𝐬 𝐏𝐥𝐚𝐲𝐞𝐫 𝐨𝐟 𝐭𝐡𝐞 𝐌𝐚𝐭𝐜𝐡: Nedim Remili 🌟#ehfeuro2024 #heretoplay pic.twitter.com/OYUpN3VSGe

— EHF EURO (@EHFEURO) January 20, 2024