Поврзете се со нас

Репрезентација

ФФМ: Не сме разговарале со други тренери, следуваат преговори со Ангеловски

Објавено

на

blank

Информацијата дека Роберт Просинечки ќе го замени Игор Ангеловски на селекторската функција во македонската фудбалска репрезентација и тоа во пресрет на Европското првенство, предизвика многу реакции во нашата спортска јавност.

Веста на српски „Курир“ донесе и демант од Фудбалската федерација на Македонија, од чија страна е прогласена за обична шпекулација.

ФФМ потенцира дека останува на ставот кој веќе го објави претседателот Муамед Сејдини, а според кој федерацијата прво ќе преговара за продолжување на соработката со Ангеловски, кој со фудбалерите има и најголема заслуга за историскиот пласман на Европското првенство.

Средбата е најавена по празниците кои следуваат, по што ќе биде познато дали популарниот Мрме ќе стави потпис на нов договор и ќе ја предводи нашата селекција и во квалификациите за Светското првенство, кои почнуваат во март.

– Договорот на Игор Ангеловски истекува на 31. декември. Пракса е да се разговара за продолжување откако ќе истече актуелниот договор, така што со него ќе разговараме после новогодишните празници, – изјави неодамна Сејдини во своето телевизиско гостување.

Реклама
Реклама
Реклама

Популарни