Двоецот на Реал со заслужени признанија: Бензема и Анчелоти се најдобри во Европа!

Вечерва се одржа ждрепката за групната фаза во Лигата на шампионите, но воедно на свечената церемонија беа доделени признанијата за најдобрите во минатата сезона.

Број еден во машкиот фудбал за претходната кампања е асот на Реал Мадрид, Карим Бензема кој беше најзаслужен за европската тутула на „кралевите“.

Наградата за тренер на годината сосема очекувано заврши во рацете на Карло Анчелоти.

Кога е во прашање пак женскиот фудбал, селекторката на Англија го понесе признанието на УЕФА за најдобар тренер, додека ѕвездата на Барселона,  Алексиа Путелјас беше прогласена за најквалитетна фудбалерка.

Легендарниот Ариго Саки пак ја доби „претседателската награда“ на УЕФА.