Академија Пандев гледа кон Европа, Работнички се врати на старите навики

Екипата на Академија Пандев е се поблиску до обезбедување настап во европските купови откако денеска славеше победа против Брегалница со 2:1.

Творци на победата за пандевци беа Бојан Димовски и Николче Шаркоски кои ја тресеа мрежата на Брегалница по еднаш во двете полувремиња.

Единствениот погодок за штипскиот прволигаш го постигна младиот Мартин Стојанов кој во 94. минута реализира удар од белата точка.

Екипата на Работнички по неколкуте позитивни резултати, повторно се врати на старите навики и врза неколку негативни резултати.

„Романтичарите“ денеска беа поразени од тимот на Скопје со 1:0, а единствениот гол на натпреварт го постигна Филип Јаневски.