Флик: Сакате да кажам нешто за Реал…

Барселона ја очекува реванш средбата со Атлетико Мадрид во Копа Дел Реј, меч кој е закажан за утре од 21:30 часот на „Метрополитано“.

Тоа е средба која се почнува од „нула“ со оглед на тоа што првото соочување заврши со луд резултат 4-4, па затоа со нетрпение се очекува оваа пресметка.

Тренерот Хански Флик говореше за овој меч, противникот, но дел од новинарите, медиумите сакаа да го навлечат да даде коментар за Реал Мадрид и Карло Анчелоти кој претходно говореше за каталонците.

Анчелоти го коментирал стилот на игра на Барселона: Ако не менуваш, во еден момент ќе потфрлиш

-Мислам дека можеме да видиме дека играме добро. Играме добар фудбал. Го гледам тоа, а навивачите го препознаваат. Тие се среќни. Мислам дека не треба да се споредуваме со Реал Мадрид. Сакаш да кажам нешто, но јас нема тоа да го направам. Реал Мадрид е фантастичен, а исто и Атлетико Мадрид и нивниот тренер. Тој знае сè за фудбалот.  Ќе видиме како сето тоа ќе заврши, но јас сум задоволен од тоа како се одвиваат работите. Мора да освојуваме титули и како што реков, ќе дадеме се од себе. Ќе видиме што ќе се случи-истакна Германецот кој навести промени во пристапот на утрешниот меч.

-Имаме наша идеја како утре да играме, може ќе смениме нешто. Ама ќе видите утре, не денес, ќе видите утре, -порача Флик.