Голман доби бизарен подарок откако беше прогласен за играч на натпреварот во Норвешка (Фото)

Традицијата за доделување симболично признание за фудбалерите кои се избрани за МВП на одреден натпревар се прошири низ Европа, а вообичаено се работи за мини трофеј кој му се доделува на најдобриот индивидуалец по крајот на средбата.

Норвешкиот клуб Брине го привлече вниманието на европските медиуми и јавноста откако на натпреварот со Бодо додели навистина невообичаен подарок за најдобриот фудбалер, во случајов голманот Јан де Бур.

Гостите кои беа голем фаворит победија со 1:0, но Де Бур бил најдобар поединец не теренот, бранејќи пенал и спречувајќи многу други шанси за поубедлив триумф на Бодо, со што си заработи четири табли јајца.

Де Бур не изгледа премногу воодушевен на фотографијата со признанието за играч на натпреварот, но клубот Брине е горд поради својата конекција со локалното население кое најмногу се занимава со фармерство. Клубот најави дека на следниот натпревар во недела, признанието ќе биде поголема количина млеко.

Jan de Boer ble kåret til Brynes beste mot Bodø/Glimt og fikk reise hjem med bestemannspremien som denne kampen var fire brett med egg fra Steinsland & Co🚜🥚🍳 pic.twitter.com/ozzbZSFKaK

— Bryne FK (@Bryne_FK) March 30, 2025