Инѕаги тестира ново партнерство во нападот: Лаутаро нема да игра во полуфиналето против Милан

Милан и Интер вечерва ќе ги одмерат силите во првото од двете планирани полуфинални пресметки на „Сан Сиро“, натпревар кој треба да биде добра најава за реваншот кој ќе даде одлука за патникот во големото финале во Купот.

Со оглед на тоа што финалистот ќе се решава по два одиграни натпревари, двајцата тренери ќе можат да испробаат повеќе фудбалери на двете пресметки, а сигурно е дека вечерва Симоне Инѕаги ќе тестира нов напаѓачки тандем.

Последните информации од Италија велат дека тренерот на Интер ги испробал Тирам и Кореа како ударен двоец во нападот, сето тоа како резултат на отсуството на Лаутаро Мартинез.

Капитенот не успеа навреме да се опорави од мускулниот проблем, па сега ќе мора да го следи натпреварот од трибините.

– Направив се за да бидам подготвен за игра, но за жал немав доволно време. Сезоната е долга и имаме многу цели до крајот. Набрзо ќе се видиме на теренот, – им порача Лаутаро на фановите на Интер.

 

View this post on Instagram

 

A post shared by Lautaro Javier Martinez (@lautaromartinez)