Киплимо истрча историски полумаратон за нов светски рекорд во Барселона

Џејкоб Киплимо од Уганда истрча историски полумаратон во Барселона и успеа да го подобри светскиот рекорд за речиси една минута.

Киплимо стана првиот атлетичар кој успеал да ја заврши полумаратонската траса за помалку од 57 минути, односно делницата ја истрчал за 56:42 минути, со што го подобри и досегашниот рекорд за цели 48 секунди.

Претходниот рекорд беше поставен во октомври во Валенсија и тоа од Јомиф Келејча од Етиопија, но од денеска веќе е второ најдобро време зад тоа на 24-годишниот Киплимо.

Киплимо имал најдобар светски резултат и по 15 километри на било кое атлетско натпреварување, а неговиот сонародник Џефри Камворор го освоил второто место.

На подиумот се нашол и Самуел Маилу од Кенија, а доминацијата на Киплимо ја потврдува и фактот што имал повеќе од две минути предност во однос на второпласираниот натпреварувач во Барселона.