Шариќ направил интересен избор за следен клуб, но нема да се врати во Европа

Дарио Шариќ веќе подолго време се поврзува со враќање во Европа, а се чини дека хрватскиот кошаркар веќе ја избрал следната дестинација.

Се шпекулираше дека најблиску до членот на Денвер е Реал Мадрид, но шпанските медиуми тврдат дека Шариќ ја одбил понудата и тоа поради финансиските услови кои ги добил во друг клуб.

Се работи за амбициозниот Дубаи, од неодамна нов член на АБА лигата и екипа која и во моментов има повеќе квалитетни играчи со кои најави дека планира да инвестира сериозно во ростерот.

Шариќ сезонава има симболична улога во составот на Денвер и враќањето во Европа покажува дека приоритет ќе му биде поголема минутажа.

Хрватот на стариот континент последно настапуваше за Анадолу Ефес, а во меѓувреме беше член на Филаделфија, Минесота, Феникс, Оклахома Сити, Голден Стејт и Денвер.