Велемајсторот Недев распали по раководството на ШФМ: Да се немало срам, ни образ!

Велемајсторот Трајко Недев е еден од најуспешните шахисти во Македонија, како и носител на медали во настапите за државната селекција на меѓународните натпревари.

Тој преку социјалните мрежи искажа реакција за резултатите од работењето на Шаховската федерација, која минатата седмица додека траеше прогласената седумдневна жалост за трагедијата во Кочани, одлучи да го одржи своето собрание и на истото да усвои финансиски извештај со негативно салдо, без притоа да има извештај од Надзорен одбор.

Во своето обраќање до јавноста тој става акцент на тоа дека досегашното раководство воопшто не било самокритично, туку напротив се прогласило себе за успешно, а за финансиските неуспеси го прозвале Министерот за спорт, Борко Ристовски.

– Старите имаат убава поговорка: ,,Она од што паметниот се срами, будалата се гордее,- пишува Велемајсторот Недев во својот пост објавен на „Facebook“, кој го пренесуваме во целост.