Маркез направи грешка, Бањаја стави крај на серијата на Шпанецот (Видео)

Франческо Бањаја максимално ја искористи грешката на најголемиот ривал Марк Маркез и стигна до прва победа во новата сезона на Мото ГП шампионатот.

Италијанецот триумфираше на трката за ГН на САД во Остин и ги израдува своите фанови, додека Маркез ќе чека следна шанса за нов триумф и мораше да се соочи со прекинување на победничката серија.

Почетокот ветуваше нова импресивна трка за Шпанецот, но грешката во деветтиот круг значеше излетување и доволно оштетување на мотоциклот, поради што Маркез не успеа да ја заврши трката на американска територија.

Marc Márquez es una bestia indomable, con más corazón que cabeza, y eso a veces se paga.#AmericasGP #MotoGPpic.twitter.com/iRSdptR43G

— ChampionsZone (@ChampionsZone_) March 30, 2025

Бањаја во меѓувреме веќе му ја украде втората позиција на Алекс Маркез, па по падот на Марк, се најде на врвот и рутински ја задржа првата позиција до крајот на трката.

Покрај Бањаја и А.Маркез, место на победничкиот пиедестал имаше и за Фабио ди Џанантонио, а до десеттото место се пласираа Морбидели, Милер, Бецеки, Бастијанини, Марини, Огура и Квартараро.

По три трки, во генералниот пласман води Алекс Маркез со 87 поени, неговиот брат има еден поен помалку, додека Бањаја е на третото место со 75 поени.

Следниот гран-при викенд е закажан од 11 до 13 април во Катар.