Јончевски: Горд сум на моите играчи, им се оддолживме на навивачите со победа!

Македонија ја совлада Полска со 88:74 за крај на циклусот на квалификации за Евробаскетот 2025.

Нашите кошаркарки по вторпат во овие квалификации ги надиграа Полјаците и со учинок 2-4 ја затворија групата Х во која Литванија заврши како прва со 11 бода пред Естонија со 10 поени.

-Ова е важна победа, што за жал не можеме да ја прославиме со пласман на европското првенство. Секако, можеме да жалиме за првиот меч со Естонија овде, но задоволен сум од она како реагиравме, како одигравме од првата до последната минута. Среќен сум што им се оддолживме на навивачите со победа.

-Реално, најтешко беше да се мотивираме по оној пораз во Талин, особено што имавме навистина огромна желба да ја добиеме Естонија, имавме одлични 27-28 минути, но за жал не беа доволни да одговориме. Горд сум на моите играчи се професионалци, голем дел од овие играчи се заедно подолг период, сите се свесни зошто се тука и успеавме заедно со кренеме и да стигнеме до победата, -истакна селекторот Александар Јончевски.