Специјална порака: Меси му го посвети голот во МЛС на Ѓоковиќ (Видео)

Лионел Меси се врати на натпреварите во МЛС и постигна гол на дуелот меѓу Интер Мајами и Филаделфија, а по реализацијата реши да му го посвети погодокот на Новак Ѓоковиќ.

Аргентинецот влезе во игра во вториот дел и реализираше само две минути откако се најде на теренот, а тој втор гол за Интер Мајами се покажа како доволен за триумф над Филаделфија со 2:1.

Откако го прослави погодокот со соиграчите, Меси со тениска гестикулација и поглед кон трибините испрати порака до Ѓоковиќ, со кога имаше интересно дружење пред и по полуфиналето на Мастерсот во Мајами.

Големите спортски ѕвезди си разменија и подароци, Ѓоковиќ имал интересен разговор и со децата на Меси, а по мечот и триумфот над Димитров, српскиот тенисер зборуваше дека е воодушевен што играл пред Аргентинецот.

Ноле потврди дека ја примил пораката објавувајќи го потегот на Меси како Инстаграм стори на својот профил.

Leo Messi dedicates his goal to Novak Djokovic with this forehand shot. 😂

Two legends with mutual respect. 🫡 pic.twitter.com/zn1fR55kht

— Danny 🐊 (@DjokovicFan_) March 30, 2025