Чудесен пресврт на „црно-белите“: Цедевита Олимпија загуби „добиен“ меч со Партизан (ВИДЕО)

Цедевита Олимпија го имаше Партизан во свои раце на вечерашниот меч во Белград, но домаќините со чудесен пресврт на крајот се изборија за конечно славје од 78:76 на средбата од 14. коло во АБА лигата.

Гостите од Словенија го започнаа последниот период со водство од 11 разлика (63:52), позитива која беше и плус 14 на почетокот на четвртата четвртина, меѓутоа домаќинот не се откажуваше и беше упорен, а таа упорноста донесе резултат.

„Црно-белите“ ги дочекаат завршни 40 секунди со негатива од 75:71 за да потоа дојде до „пенали“ на двете страни и резултат 76:73 на пола минута до завршување на мечот.

Џонс погоди тројка за Партизан на 20 секунди по што гостите имаа тајм-аут по кој направија огромна грешка, загубија топка која избраниците на Обрадовиќ ја искористија со кош на Вашингтон за 78:76.

Олимпија имаше осум секунди за последниот напад, Лемар и Николиќ имаа два обиди за три поени, двата беа неуспешни на огромно задоволство на домашните играчи и фанови.

Партизан заедно со Будуќност и Црвена Звезда има учинок 12-2 и е на делба на првото место на табелата.