Шортс двоцифрен во убедливиот триумф на Париз во Франција

Составот на Париз со убедлива победа над Гравелин-Данкерк (109:66) ја заокружи оваа напорна седмица во која одигра и два натпревари во Евролигата.

Домашниот тим одигра еден моќен меч во кој го надигра противникот во сите четири четвртини, водеше од почеток до крајот и го прослави 17. триумф во 23. меч во француското првенство.

Тренерот Сплитер ја подели минутажата, дури седум играчи беа двоцифрени меѓу кои и македонскиот репрезентативец Ти-Џеј Шортс кој за 16 минути уфрли 14 поени со 2 скока и 6 асистенции.

Наредните предизвици за Шортс и компанија се Реал Мадрид во Евролигата и Ле Ман во ЛНБ лигата.