Работнички ја доби битката со Гостивар, Пелистер го разби Вардар

Кошаркарите на Работнички дојдоа до четвртата победа во низа во Првата лига и тоа против Гостивар кого го добија со 90:79.

Првиот дел мина во израмнета игра, двата состави добија по една четвртина и на одмор се замина со резултат 46:46 за да по паузата скопскиот тим биде подобар и ја продолжи серијата на добри резултати.

Шестмина играчи кај победникот беа двоцифрени, најефикасен беше македонскиот репрезентативец Ѓуроски со 19 кошеви. Најсветла точка кај Гостивар беше Соколов со 24 поени.

Пелистер пак го уништи „фенерџијата“ Вардар со 41 разлика (98:57) во дуел во кој битолчани ги добија сите четири четвртини, додека пак Кожув беше подобар од Шкупи со 94:89.