Анчелоти го коментирал стилот на игра на Барселона: Ако не менуваш, во еден момент ќе потфрлиш

Карло Анчелоти денеска имал интересна прес-конференција на која зборувал на многу теми иницирани од новинарите, а морал да го брани и стилот на игра кој го практикува Реал Мадрид под негово водство.

„Кралскиот клуб“ игра поразлично од Барселона, па Италијанецот бил прашан дали му пречи што поголем број фудбалски фанови имаат пофалби за стилот на игра на големиот ривал.

– Секој има право на свое мислење. Некои клубови преферираат посед на топката, долги топки, а секој може да каже што му се допаѓа повеќе.

– Барселона игра убав фудбал, но Реал игра со поинаков стил кој сепак има изразит квалитет. Ми се допаѓаат и двата стила, но тешко е да се прават споредби, пред се затоа што зависат и од фудбалерите со кои располагате.

– Мора да бидете погдотвени на промени, фудбалерите се менуваат, структурата се менува. Оние кои инсистираат да го задржат истиот идентитет, сигурно ќе потфрлат во одреден момент, – рекол Анчелоти.