Хојдонк воодушевен: Ова е фудбалска порнографија…

Шпанија и Холандија одиграа два супер интересни натпревари во Лигата на нации, два натпревари кои донесоа многу возбудувања и голови за да на крајот се биде решено со удари од 11 метри.

Првата средба во Ротердам заврши 2-2, резултат кој се повтори и вчера во Валенсија по што се играа продолженија во кои паднаа по еден гол во двете мрежи со што не однесе до пенал рулетот во кој домаќините подобро се снајдоа по шест серии.

-Уживав во двата меча. Ова е фудбалска порнографија. Две врвни репрезентации, 10 гола на два меча. Холандија се враќаше три пати. Тоа беше се што можеш да посакаш од фудбалот. Затоа го сакаме овој спорт.

-Најдов повеќе радост во овие два натпревари отколку во текот на целото Европско првенство. Холандија покажа доминација, кога играш така против најдобрата селекција во Европа, тоа можеш да го направиш и против други тимови, -порача некогашниот репрезентативец на „лалињата“, Пјер Ван Хојдонк.

Во полуфиналето на Лигата на нации ќе се соочат Шпанија-Франција и Германија-Португалија.