„Фармацевтите“ на колена: Третолигаш го елиминираше Леверкузен од Купот на Германија (ВИДЕО)

Германија го доби првиот финалист во Купот, а тоа не е екипата која сите ја очекуваше и го бранеше трофејот во ова натпреварување Баер Леверкузен.

Имено „фармацевтите“ вечерва беа непријатно изненадени, шокирани и елиминирани од третолигашот Арминија Билефелд која со пресврт славеше со 2-1.

Арминија во претходните рунди ги елиминираше Вердер Бремен, Фрајбург, Унион Берлин и Хановер, односно три од овие четири екипи се прволигашки, односно избраниците на Алонсо многу добро знаеја со каков противник се соочуваат, ама и покрај тоа дозволија да бидат поразени од состав кој е далеку под нивното ниво.

Та донесе предност за фаворитот во  17 минута, но Ворл во 20 израмни на 1-1. Овој резултат беше активен до судиското продолжение на првиот дел кога Гросер стрелаше за домаќините за комплетен пресврт и 2-1.

Ова се покажа како клучен момент и Арминија оди во мечот за пехар каде ќе игра со подобриот од Штутгарт и РБ Лајпциг.

ТУКА погледнете ги головите.