Чудесниот Дуплантис продолжи да ги поместува границите: Мондо со нов рекорд во Франција (Видео)

Арманд Дуплантис нема ниту еден достоен ривал во светот на атлетиката веќе неколку години, па во ситуација кога води битка сам со себе, секојпат се обидува да ја помести летвичката за еден сантиметар повеќе.

Дуплантис три пати го порави својот светски рекорд во 2024-та година, а сега во период од 11 месеци и по четврти пат урна и постави нов рекорд.

Популарниот Мондо без проблеми славеше на митингот во Клермон-Ферлан во Франција, такашто овојпат летвичката ја постави на 6 метри и 27 сантиметри.

Претходниот рекорд кој го постави на Дијамантската лига изнесуваше 6 метри и 26 сантиметри, па со новиот ској ја помести границата за уште еден сантиметар и по 11-ти пат во кариерата постави светски рекорд.

Истовремено, ова е нов рекорд во затворени услови, бидејќи претходниот рекорд во сала кој го постави Дуплантис изнесуваше 6,22 метри.

Here is the moment Mondo Duplantis broke the World Record in the Pole Vault with 6.27m in France!!🤯🤯

11 World Records so far in his career!! A LEGEND.pic.twitter.com/WCXfr1qe6I

— Track & Field Gazette (@TrackGazette) February 28, 2025